أسوأ مكالمة في الدنيا كانت سبب اللي وصلتله
-------------------------------------------
التليفون رن رديت. أيوة يا مالك. ماما بتقول إنها قررت إننا مش هنكمل.
إيه اللي بتقوليه ده. إيه اللي حصل أنا جايلكم حالاً. روحتلهم البيت و قعدت معاهم. بدأت أتكلم يا طنط أنا بقالي سنة و نص خاطب إيمان و ال ٢٥٠٠ جنيه مرتبي بساعد منهم أمي و بحوش منهم كل اللي بيفضل بعد المواصلات و حوشت ٢٠ ألف جنيه. و مقدمة أقل شقة في فيصل ب ٦٠ ألف. و حضرتك و إيمان مش موافقين على الإيجار الجديد. و أنا مقدرش أعيش من غير إيمان و من غيركم. ده أنا أول مرة أحس إن الحياة بقى فيها هدف أعيش علشانه. و أنا بتكلم غصب عني لقيت نفسي بعيط. قولتلهم أنا مش متخيل إيمان ممكن تعيش مع حد تاني غيري. ردت أمها عليا و قالتلي ماشي يا مالك إدينا فرصة نفكر في موضوع الإيجار الجديد ده.
قولتلها متشكر قوي يا طنط. روحت و أنا طاير من الفرحة.
أول ما دخلت البيت لقيت أمي بتعيط. قولتلها مالك يا ماما ؟.
و هي بتتشحتف من العياط قالتلي أم إيمان كلمتني في التليفون و قالتلي خلي إبنك يبعد عن بنتي. إبنك قعد يعيطلنا و مرضيناش نكسفه علشان في بيتنا. إيمان هتتخطب لمذيع في قناة ميلودي و الجواز قسمة و نصيب.
صعبت عليا نفسي و جالي إكتئاب. بقيت بعيط كل يوم في الصلاة و أقول إرضيني يا رب أنا تعبان. و في يوم لقيت إعلان على الفيسبوك لمكان تعليم إنجليزي بيقول إنه بيعلم إنجليزي في شهور معدودة و بيضمن إن اللي يوصل للمستوى ال ١٦ يشتغل في نفس المكان مدرس إنجليزي براتب يبدأ من ٤٢٠٠ جنيه في الشهر. و أول محاضرة تجربة مجاناً. روحت أجرب أول محاضرة مجاناً و أتكلم مع المدرسين لقيت فعلاً أكتر من نصف المدرسين اللي هناك كانوا طلبة في المكان و بعدين بقوا مدرسين فيه. إتعلمت و بعد ٨ شهور وصلت للمستوي ال ١٦ و بقيت بتكلم إنجليزي زي العربي. إشتغلت مدرس في نفس المكان. بعد كام شهر إشتريت عربية لانسر بالقسط و كونت علاقات جميلة جداً مع أصحابي المدرسين جوه الشغل. بقينا بنخرج كتير مع بعض. و بنتكلم إنجليزي و إحنا خارجين علشان الممارسة. الناس بتستغربنا جدا و إحنا بنتكلم إنجليزي. بقيت بقضي في الشغل أمتع أيام حياتي. مفيش هدف تعيش علشانه أكبر من إنك تغير كل يوم في حياة الطلبة.
و في يوم دخلت أدرس فجأة لقيت وسط الطلاب بتوعي إيمان. جاية تتعلم إنجليزي. شافتني إتفاجأت و بقت طول المحاضرة وشها أحمر و ساكته و سرحانة. بعد المحاضرة جاتلي و قالتلي مبروك أنا مش مصدقة إنك في أقل من سنة وصلت لكده. أنا فخورة بيك. ماما مش هتصدق لما أحكيلها. علي فكرة أنا سيبت خطيبي و نفسي نرجع لبعض.
قولتلها الله يبارك فيكي يا إيمان لكن للأسف أنا خطبت مدرسة زميلتي في الشغل. و إبقي إشكريلي والدتك جدا لولا مكالمتها لأمي مكانش ده بقى حالي. ربنا يوفقك.
******************************
إذا تعلمت منها أنشرها ليستفيد غيرك لا تدعها تقف عندك الدال لي الخير
كفاعله
تطبيق يقدم قصص في كل قصة عبرة تفيدك وما تروى القصص إلا لأخد العبر
اشتراكه فى تطبيق (قصص )
<<<<< اشترك لتصلك القصص >>>>>
https://goo.gl/AwhXle
******************************
لا تنسى ترك بصمتك بتعليق على المنشور من اجل تشجيعنا
http://qissass2015.blogspot.com
