قصة حقيقيه - قصة الحلم بالدود 👈👈👈( 😘قصة حقيقيه الدود كامله 😘😍)👉
قصة رعب 🔪🔪🔫🔫 😂😂😂
القصه ده حقيقه وحصلت بالفعل يعنى مش وحي خيال
واحده متزوجه وعندها 27 سنه حاليآ👇👇👇
الموضوع بدأ من أول جوازي بس والله العظيم ما في كلمه هقولها محصلتش وربنا شاهد
أول أسبوع ف جوازي كنا نايمين فحلمت حلم غريب ان في ست عجوزة شكلها وحش جدآ سودة وعنيها واسعة أوي وليها أنياب جابت كرسي وقعدت جنب السرير ناحية جوزي وهو نايم أنا بحلم الحلم وكآني صاحية بس متكتفة هي جايبه حاجة حطاها ناحية رقبة جوزي وأنا شايفة ومش قادرة أتكلم ولا أتحرك وهي عمالة تقولي خليه يمشي من هنا أنا عايشة بقالي سنين لوحدي خليه يمشي من هنا هأذيه لو فضل المهم مش عارفة صحيت ولا فوقت مرعوبة أوي أوي من شكلها صحيت جوزي وأنا بعيط وحكيتله فضل يضحك عليه ‘يقولي دي تخاريف عشان لسة المكان جديد عليكي فضلت أحلفله انه كان حاجة أشبه بالحقيقة برضو مصدقنيش المهم حاولت أقنعه اننا نشوف شقة تانيه قالي لا أنا مرتاح هنا أوي وكان تهديد الست دي ف دماغي مش بينيمني وكل خوفي أكتر اني بقعد لوحدي أو اني أحمل وأتأذي فالبيبي مع العلم اني بأمن بالحاجات دي جدآ وفعلا جوزي صمم انه ميمشيش ومن هنا بدأت الحرب
عدي حوالي أسبوعين تاني وف يوم كنا نايمين حسينا بحاجة زي تراب بتقع من السقف جوزي كان نايم صاحي المهم إفتكر انه فعلا تراب بيلمه بإيده وبيبص فيه لقاه دود دود كتير أوي إتخض من المنظر وفضل يصحيني لإن السقف بيوقع عليه انا كمان المهم صحيت جوزي جاب كرسي وحاول يشوف ايه ف السقف لقي السقف مفتوح تلت فتحات زي الأخرام كدة بعد كل ده هو مش مقتنع انها حاجة غريبة وعمال يقنعني ان ممكن يكون في قطه او فار ماتو أيام البنا ‘إتصب عليهم السقف أنا مش مقتنعة وكمان شايفة ف عينه انه مش مقتنع باللي بيقوله
إقترحت عليه ان احنا ناخد شوية من الدود ده ‘نروح نوريهم لأي شيخ مع العلم مكانتش كميه عاديه أنا السقف كأنه بينزف دود من التلت فتحات دول جه جوزي وجاب علبة سجاير فاضية وحط فيها 3 دودات وقالي سبيهم أنا هوريهم لحد كنت انا اتصلت بحماتي وأخو جوزي عشان ييجو يشوفو بنفسهم ويحاولو يقنعوه نمشي أول ماشافو المنظر اتخضو المهم جوزي بيلبس علشان ينزل هو وأخوه يشوفو ايه الدود ده طبعا احنا عارفين علشان الدود ياكل حاجة محتاجة وقت كبير أوي ايام وممكن أسابيع ف وقت ماهو بيلبس وعلبة السجاير محطوطة جوة كيسين مربوطين وانا ماسكاها ف ايدي طبعا بخوف ومنهارة من العياط لقيت علبة السجاير اتاكل منها أجزاء والأكياس كمان اتقطعت والدود بدأ يخرج علي ايدي ف اقل من دقيقة أقسم بالله ولكن مش ده الدود اللي احنا حطيناه ده حجمه كبير أوي اكبر من اللي حطيناه بكتير كإنه تعابين صغيرة
بعدين سيبنا الشقة ونزلنا كلنا روحنا ف اليوم ده نيمنا عند حماتي تاني يوم بعد العصر خدت حماتي وروحنا مكان اسمه الجمعيه الشرعيه وقابلنا الشيخ وحكيناله وطبعا وهو بيسمع عمال يستعيذ بالله ومستغرب وف الأخر قالنا روحو الشقة تاني النهاردة وبصو عليها وحاول يقنعنا ان اللي بيحصل ده كله بفعل فاعل المهم فعلا روحنا الشقة وكانت الصدمة أقسم بالله لقيت العفش محروق اي نعم مش كله بس كانت حاجة شبه التهديد الغير مباشر لقيت نص مرتبه السرير محروق شيش البلكونة كمان وعلامات حرق علي الحيطان اترعبنا بمعني الكلمة ومن الخوف جرينا علي البلكونة حتي من الخوف خوفنا ننزل الخوف اتملكنا روحت ع طول ماسكة التليفون اتصلت بجوزي وأخوه ييجو يلحقونا وفعلا جم واحنا كل ده ف البلكونة وفعلا عشر دقايق وكان عندنا أول ما جم دخلو علي أوضة النوم أول ما دخلو لقوا ع الحيطة والباب علامات صوابع طفل صغير بالحرق اتصدمو وكان خلاص جوزي اقتنع ان في حاجة غلط أخوه من الخوف فضل يقرأ قرأن بصوت عالي وف وقت ما هو بيقرأ صوت الأطباق والكوبايات ف المطبخ عماله تتكسر وطبعا ده كان صوت بس كلنا كنا عايزين ننزل بس جوزي الوحيد اللي كان متماسك شوية وقال مش هننزل وهنجيب شيخ واحنا موجودين وفعلا واحد صاحبه وصفلنا واحد بس كان حسبي الله ونعم الوكيل فيه جه فعلا وفضل يعمل حاجات غريبة وقال محدش يشغل قرأن ودخل كل أوضة ف الشقة دق ف الأرض مسامير واحنا منعرفش ان كل ده حرام وطلب مننا ان ننزل من الشقة شوية واحنا فعلا نزلنا وبنبص ع الشقة من تحت الأنوار عماله تولع وتطفي وكان الراجل معانا عدي حوالي ساعة وطلعنا لقينا حاجات أكتر اتحرقت بس المرة دي هدوم جوزي الراجل سابنا وقالنا انا هروح اجيب واحد معايا هو اللي معلمني انا مش هقدر اعمل حاجة لوحدي جوزي رفض انه يخليه ييجي تاني المهم ناس وصفولنا واحد تاني كل ده واحنا ف الشقة وكان الساعة قربت على الفجر
الجزء الاخير على الرابط دا 👇👇
نتمنى دعم الموقع لنستمر في نشر احدت القصص ولا تنسى الإعجاب والإشتراك.
♥ اضغط | لايك & Like | اذا اعجبتك القصة .
♥
تابع قصص على يوتوب http://bit.ly/2jCky4z
تابع قصص على فيس بوك https://www.facebook.com/qissass
موقع قصص https://qissass18.blogspot.com/
يسمح بنقل الموضوع لكن مع ذكر المصدر في نهاية الموضوع المنقول ووضع رابط الموضوع الأصلي
لا تنسى الضغط على هدا الاعلان اسفله ♥♥
